تخطَّ إلى المحتوى

التذبذب الضمني IV: كيف تقرأه قبل شراء الأوبشن

شاهد شرح التذبذب الضمني IV والفرق بينه وبين HV، وكيف تقرأ IV Rank وPercentile وتفهم هبوط التذبذب بعد الأرباح، مع نص الدرس كاملًا.

فصول الفيديو

  1. 0:00نفس العقد بضعف السعر
  2. 0:17وش هو الـIV؟
  3. 0:38الـIV مقابل الـHV
  4. 0:55IV Rank وPercentile
  5. 1:25انهيار الـIV
  6. 1:46الخلاصة

نص الفيديو كاملًا

السلام عليكم جميعًا، مساكم الله بالخير. نفس السهم، ونفس العقد، ونفس المدة تقريباً. أسبوع سعره ثلاثمية وخمسة وثلاثين دولار، وفي أسبوع الأرباح سعره سبعمية وخمسة وستين. وش اللي تغيّر؟ الـIV. الـIV هو الحركة اللي يتوقعها السوق للسهم، مخفية داخل سعر العقد، وتنكتب نسبة سنوية. ثلاثين بالمية لسهم بميتين، يعني حركة متوقعة تقريباً سبعطعش دولار خلال شهر، فوق أو تحت. والـIV ما يعرف الاتجاه، وهو توقّع، مو وعد. والـHV هو كم تحرك السهم فعلاً في الأيام اللي فاتت. لو الـIV ثلاثين والـHV أربعة وعشرين، السوق يسعّر حركة أكبر من اللي صارت، فالعقود غالية نسبياً. وممكن السوق يعرف عن حدث جاي. وعشان تعرف هل الـIV عالي على السهم نفسه، لازم تقارنه بسنته. الـIV Rank وين هو بين أدنى وأعلى نقطة. والـIV Percentile كم بالمية من أيام السنة كان أقل من الحين. مثال: أدنى عشرين، وأعلى ستين، والحين ثلاثين. الـRank خمسة وعشرين، بس الـPercentile ثلاثة وثمانين. قفزة وحدة مطّت المدى. وقبل الأرباح يرتفع الـIV، وبعدها ينهار. مثال: اشتريت العقد بسبعمية وخمسة وستين، والـIV خمسين بالمية. بعد الإعلان طلع السهم خمسة بالمية، والـIV رجع ثلاثين. العقد صار سبعمية وخمسة وأربعين. صح الاتجاه، وخسرت عشرين دولار. الخلاصة في ثلاث: قارن الـIV بالـHV. شوف الـIV Rank والـPercentile مع بعض. وانتبه للأرباح قبل الانتهاء. افتح قسم التذبذب في أوبشن أي سهم في شوفا.